Një operacion masiv antidrogë po kryhet në fshatin Përparim, të Njësisë Administrative Bogovë, si dhe në rrugën nacionale Poliçan-Bogovë.
Policia informon se në tre banesa është sekuestruar një sasi e konsiderueshme lënde narkotike.
Gjithashtu në rrugën nacionale Poliçan – Bogovë, si rezultat i zhvillimit të operacionit, është gjetur e braktisur një tjetër sasi e konsiderueshme lënde narkotike e futur në thasë.
“Sasia e lëndës narkotike e sekuestuar deri në këto momente përafërsisht 1.5 ton. Policia ka shoqëruar 6 persona. Si dhe deri në këto momente janë shpallur në kërkim tre persona. Operacioni vijon”, informon Policia e Shtetit. /e.a/