Zbardhja e autopsisë së Michael Jackson: Çfarë u zbulua në kokën e yllit të pop-it

Mbreti i muzikës pop, Michael Jackson, ka qenë plotësisht tullac dhe në kokë prej vitesh mbante paruke për të maskuar faktin tronditës. Kjo bëhet e ditur pas publikimeve më të fundit të nxjerra në dritë nga autoritetet amerikane me daljen e autopsisë së të ndjerit.

Të dhënat e dala nga autopsia, sikurse raporton noa.al që citon mediat amerikane, tregojnë se Michael Jackson e kishte kokën të mbushur me plagë dhe krejtësisht pa flokë. Në kokë kishte dhe tatuazhe sikurse dhe në trup.

Plotësisht tullac

Zyrtari Policor i Los Anxhelosit (LAPD) dedektivi Scott Smith tha se zbulimi që i habiti më shumë kur gjetën të vdekur Majkëllin ishte se ai nuk kishte flokë dhe krejtësisht tullac. Po jo vetëm kaq.

"Ajo që ishte e çuditshme, ishte kafka e tij. Maja e kokës ishte e prerë dhe vetëm ca flokë kishte akoma në anë”, – thotë Smith.

Besohet se plaga në kokën e tij ishte shkaktuar për shkak të djegieve të pësuara në një aksident në një set reklamash të kompanisë Pepsi në vitin 1984.

Ai ishte protagonist në një shfaqje për fushatën publicitare të Pepsi ku u përdorën fishekzjarrë dhe atje, flokët e tij u përfshinë nga zjarr dhe ai pësoi në kokë dhe trup, djegie të tmerrshme të shkallës së dytë dhe të tretë.

Autopsia

Raporti i autopsisë për disa vite pas vdekjes nuk doli në dritë, por tani është zbardhur. Ky raport konfirmoi se trupi i yllit të pop-it ishte i mbushur me ndërhyrje dhe u panë gjurmë plagësh.

Jackson kishte plagë në duart e tij që besohet se janë shkaktuar nga medikamentet që ai po merrte në një përpjekje të dëshpëruar për të kapërcyer pagjumësinë kronike.

Kishte gjithashtu gjurmë të dukshme të operacioneve të shumta që ai kishte bërë gjatë viteve.

I ndjeri kishte dy plagë kirurgjike prapa veshëve dhe dy të tjerë në të dy anët e hundës.

Po ashtu kishte plagë në pjesën e poshtme të qafës dhe në duart.

Mjekët më vonë konkluduan se shumë prej këtyre plagëve ishin nga ndërhyrjet e tij të ndryshme.

Përveç kryerjes së operacioneve për të ndryshuar pamjen e tij, Jackson gjithashtu kishte një seri tatuazhesh kozmetike, të tilla si një membranë e përhershme trëndafil, i vendosur rreth buzëve të tij.

*

Superstari 50-vjeçar i cilësuar si mbreti i popit pësoi një sulm në zemër në shtëpinë e tij në Los Anxhelos (SHBA) më 15 qershor 2009, pasi mori një mbidozë të anestezisë së fortë të propofolit.

Tani 10 vjet më vonë, vdekja e tij rishikohet në një dokumentar të ri të quajtur Killing Michael Jackson.

Në film, oficerët e policisë flasin për situatën e çuditshme në të cilën trupi i tij u gjet pak pas vdekjes.