Grezda pas sherrit me trajnerin Reja, “eros” me Nevina Shtyllën (Foto)

Në radhët e Kombëtares ka lindur një histori rozë.

Pas një sezoni jo shumë të suksesshëm, Eros Grezda, edhe pse i braktisi kuqezinjtë para dy ndeshjeve të fundit, duke ngjallur jo pak dyshime për sjelljen e tij, me sa duket suksesin po e kërkon jashtë fushave të blerta.

Ka lindur një histori dashurie mes tij dhe prezantueses shqiptare tek Proçesi Sportiv, Nevina Shtylla. Në emisionin e fundit, ishte Manushi i cili ngacmoi Nevinën, duke e pyetur se “ç’thotë Grezda?”

Megjithatë, përveç historisë së dashurisë me Nevinën, kjo verë konsiderohet shumë e “nxehtë” për futbollistin kuqezi, edhe në aspektin profesional. Ai duhet të konfirmohet te Rangers, e të bindë nga ana tjetër trajnerin Reja, për të qenë më tej pjesë e kombëtares.