Edhe pse ato vazhdojnë që të rriten, nga njëri muaj në tjetrin, është fakt se nuk kanë të njëjtin “boom” si më parë.
Shitjet e mallrave “Made in Albania” jashtë vendit duket se nuk kanë më ekspansionin e dikurshëm nëpër botë.
Dhe këtë dukuri e tregojnë më së miri të dhënat e fundit të Institutit të Statistikave, sipas të cilave, eksportet shqiptare kanë shënuar një rritje tejet modeste gjatë muajit mars të këtij viti, vetëm në nivelin prej 2.7%.
Ndërsa për gjithë tremujorin, ekspertët japin shifrën prej 3%.
Edhe kjo, e ulët duhet thënë, nëse do ta krahasonim me shifrat e larta dy shifrore që ky tregues ekonomik ka njohur gjatë vitit të kaluar dhe jo vetëm.