‘Antena Jashtë Familjes’ - Urojmë ta korrigjoni përmendoren, shoku Dritan Leli!

Pyetjen e mësipërme e kemi për shokun Dritan, në cilësinë e kryetarit të bashkisë së Vlorës.

Para 1.ca ditësh ai ishte i pranishëm në përurimin e një përmendoreje për vlonjatët e dërguar në kampet e përqendrimit.

Bravo!

Bëjmë me dije se ajo ndodhi vetëm disa ditë pasi nazistët hynë më qytet.

Vumë re se në këtë përkujtimore, nuk ishte shënuar asnjë emër i të internuarve.

Shoku Dritan ndoshta ka bërë mirë që ka kursyer dhe nuk i ka shkruar një për një emrat, që fare mirë mund të gjenden më arkivat e ushtrisë gjermane, se kushedi sa do kishte shkuar tenderi i gdhendjes së të gjithë emrave të të gjorëve.

Na bëri përshtypje gjithashtu, se në këtë përkujtimore-përmendore, nuk ishte shënuar as numri i përgjithshëm i atyre që u internuan ne kampet e përqendrimit nazisto-gjerman, me ndihmën e spiunëve të zonës.

Ç'rëndësi ka numri? - do të thoshte dikush.

Unë them se ka, përderisa siç thoshte filozof Pitagora, numri shpreh jo vetëm sasinë, por edhe cilësinë e fenomenit.

Jep tjetër vlerë njohjeje dhe krenarie te të rinjtë e qytetit dhe sidomos te të majtët e zonës, nëse lexojnë se 600 njerëz u internuan nga nazistët.

Dhe tjetër ndjesi, nëse e lexojnë përkujtimoren ku numri i përgjithshëm i të internuarve në kampet e punës dhe shfarosjes, nuk përmendet fare.

Urojmë që ta korrigjoni sa më parë, pa patur rastin t'ju tregojmë përmendoret e tilla të vendeve larg nesh, apo të fqinjëve tanë, shoku Dritan!

Shënim: ‘Antena Jashtë Familjes’ është një rubrikë e përditshme nga Helidon Tahiraj shkruar ekskluzivisht për ‘Albanian Free Press’