Opinioni i Komisionit të Venecias/ Presidenca nesër bën publik qëndrimin e saj

Opinioni i Komisionit të Venecias/ Presidenca nesër bën publik qëndrimin e saj
Burime nga presidenca konfirmojnë se nesër do bëhet publik qëndrimi i Presidencës për draft opinionin e Komisionit të Venecias.

Po kështu do të bëhen publike dhe pyetjet e Presidentit për Komisionin e Venecias për shterimin përfundimtar të  kësaj çeshtjeje.

Ndërkohë sot Kuvendi i Shqipërisë, ë fund të punimeve, do të diskutojë për zgjatjen e afatit të Komisionit Hetimor për shkarkimin e Presidentit Ilir Meta.

Mandati i komisionit hetimor mbaron më 8 Tetor, por puna e tij nuk mund të mbyllet, pasi deputetët presin opinionin zyrtar dhe përfundimtar të Komisionit të Venecias.

Ai do miratohet dhe bëhet publik më 12 Tetor, çka e bën të domosdoshme edhe zgjatjen e afateve të Komisionit Hetimor që ngriti Kuvendi për hetimin dhe shkarkimin e Presidentit, Ilir Meta.

Maxhoranca nuk është tërhequr nga akuzat ndaj Presidentit të Republikës, për shkelje të rëndë të Kushtetutës, lidhur me dekretin e tij për shfuqizimin e zgjedhjeve lokale të 30 Qershorit dhe nxjerrjen e një dekreti të dytë për mbajtjen e zgjedhjeve më 13 Tetor, zgjedhje që siç edhe është e kuptueshme tashmë nuk do të mbahen, duke kërkuar shkarkimin e tij.  /Afp.al/

loading...
loading...