Ndalohen dy makina me 116 kg kanabis, në kufirin Shqipëri-Greqi

Policia greke ka bllokuar 116 kg drogë, e llojit marijuanë në pikën kufitare Shqipëri-Greqi.

Operacioni u zhvillua në Grevena, përveç lëndës narkotike, ku policia helene tha se ka ndaluar edhe dy automjete, si dhe tre shtetas grekë.

Në njërin prej automjeteve u gjet dhe u sekuestruan 36 pako me 116 kg 100 gram marijuanë.

 

Mjeti i dytë shërbente për kontrollin e rrugës dhe shoqëronte makinën që transportonte drogë.

Në pranga përfunduan 3 shtetasit grekë, 34, 36 dhe 51-vjeç.

Gjatë kontrolleve në makina dhe në banesat e të dyshuarve, u gjetën edhe 285 gram marijuanë në total, 1 peshore, 1 thikë, 6 celularë dhe 260 euro./Afp.al