Itali/ Gjeti maçokun në rrugë dhe kërkoi 1 mijë euro të zotit t'ia dorëzonte, arrestohet gruaja shqiptare

Një grua shqiptare arrestohet nga policia italiane nën një akuzë të çuditshme.

Gruaja e moshës 54 vjeçare, u arrestua pasi në vend që t'i kthente maçokun që gjeti në rrugë një zonje italiane, i kërkoi fillimisht një shpërblim.

Kjo e fundit nuk kishte pranuar kërkesën dhe denoncoi ngjarjen në polici.

Maçoku i bukur, katër vjeçar, i racës Tigruz, u gjet nga gruaja shqiptare ndërsa po endej në rrugë.

Ngjarja ka ndodhur të dielën e kaluar.

Policia në bashkëpunim me një ndërmjetëse rumune organizuan një kurth për shqiptaren, duke i dorëzuar kësaj të fundit 300 euro nga 1 mijë euro që kërkonte për kthimin e maçokut në shtëpi.

Më pas ajo u arrestua, për veprim të paligjshëm. /Afp.al/