Lufta kundër informalitetit intensifikohet, qeveria del me paketë të re ligjore

Lufta kundër informalitetit do të sjellë edhe një paketë të re ligjore, e cila po përgatitet dhe do të jetë gati për konsultim publik në fillim të shtatorit. Kjo u bë me dije nga Ministria e Financave Anila Denaj gjatë një inspektimi në kryeqytet. Në këtë mision kundër informalitetit qeveria duket se ka kundër gjykatat, të cilat jo në pak raste kanë rrëzuar vendimet e tatimeve për mbyllje të bizneseve theksoi Denaj.

Ndërkohë, drejtoresha e përgjithshme e tatimeve Ibrahimaj bëri me dije edhe rezultatet më të fundit të luftës kundër informalitetit.

Aksioni i këtij viti kundër informaliteti nisi më 4 korrik dhe shkeljet më të shpeshta që u evidentuan ishin mos lëshimi i kuponin tatimor dhe mosdeklarimi i punonjësve.

Konsultimi publik mbi projektligjin për Fiskalizimin do të vazhdojë deri në fund të muajit gusht. Për këtë, të gjitha grupet e interesit dhe opinioni në tërësi janë ftuar të japin komentet dhe sugjerimet e tyre. Krahas platformave online:

?http://www.konsultimipublik.gov.al/Konsultime/Detaje/195

?https://www.tatime.gov.al/c/424/fiskalizimi

do të zhvillojmë konsultime me grupe të ndryshme të interesit në MFE, sipas kalendarit më poshtë:

✅20 Gusht – Takim me kontabilistët

✅22 Gusht – Takim me biznesin e IT-në

✅23 Gusht – Takim i Këshillit Tatimor

✅27 Gusht – Takim me shoqatat e biznesit

✅28 Gusht – Takim me Shoqatën e Bankave

✅29 Gusht – Takim i Këshillit të Investimeve