Spinaqi në listën e dopingut të WADA-s

Spinaqi në listën e dopingut të WADA-s
Një substancë e përmbajtur në spinaq përshpejton rritjen e forcës në trajnim. Efekti është aq i fuqishëm sa që drejtoresha e studimit e WADA-s rekomandon që Ecdysteron të futet në listën e zezë.

Efekti Popeye (ose "grushti i hekurt") në sportet elitare: spinaqi të jep fuqi të jashtëzakonshme - dhe një substancë që përmban ai e ka vendin në listën e dopingut.

Këtë mendim e ka shprehur Maria Parr nga Instituti i Farmacisë i Universitetit të Lirë të Berlinit. Ajo drejtoi një studim, në të cilin u konstatua: substanca Ecdysteron sjell fuqi shumë të mëdha dhe një rritje të performancës - siç e tregon personazhi i filmit vizatimor.

Studimi u mbështet nga Agjencia Botërore Anti-Doping (WADA). Gjatë një trajnimi dhjetë javor të forcës, 46 atletëve iu dha ose një placebo ose substanca Ecdysteron. Rezultati: një rritje tre herë në fuqi krahasuar me grupin e atyre që morën placebo. Rezultate të ngjashme kishin dalë edhe në studimet e mëparshme në vende të tjera.

Marrë me shkurtime nga DW

loading...
loading...