Tymuese dhe bojëra, sulmohet ambasada amerikane në Athinë

Ambasada amerikane në Athoinë është sulmuar gjatë natës me tymuese dhe është ndotur me bojëra.

Sulmi është kryer rreth orës 04:00 të mëngjesit nga anarkistët e grupit “Ruvikona”, të cilët kanë organizuar të tilla aksione edhe në muajt e kaluar.

Anarkistët kanë organizuar edhe disa protesta, duke kërkuar t’i jepet leje për të dalë nga burgu një terroristi të dënuar për disa akte terroriste, Dhimitris Kufondindas.

Anëtari i organizatës “17 Nëntori” është dënuiar mes të tjerave edhe për vrasje dhe atentate.

Ambasadori amerikan Jeffrey Pyatt e ka konsideruar sulmin e mbrëmshëm si një akt vandalësh dhe të dënueshëm nga ligji.

Sipas tij, dëmtimi i pasurisë nuk mund të cilësohet si një protestë paqësore. /a.a/ Albanian Free Press Online/

Foto: Google