Universiteti i Tiranës ka miratuar kriteret e pranimit për vitin e ri akademik 2019-2020. Këtë vit pranimet do të bëhen mbi të njëjtat kritere, që janë mesatarja e shkollës dhe provimet e Maturës.
Kriteret
Me publikimin e rregullores së maturës shtetërore si dhe udhëzimit për provimet me detyrim dhe atij me zgjedhje për maturantët, tashmë universitet kanë publikuar kriteret e pranimit për studentët e rinj. Kështu, Universiteti i Tiranës ka përcaktuar kriteret e pranimit të studentëve ku kryesore mbetet nota mesatare, nota mesatare e provimeve të maturës shtetërore si dhe nota mesatare e lëndëve formuese të përcaktuara për secilën degë. “Ndryshe nga viti i kaluar ku kishte më shumë lëndë me zgjedhe në provimet e Maturës Shtetërore, këtë vit në kritere përcaktuese të fituesve për Universitetin e Tiranës është nota mesatare e të tre viteve të shkollës dhe nota mesatare e provimeve të maturës shtetërore si dhe nota mesatare e lëndëve formuese të përcaktuara për secilën degë. Këto të fundit janë përcaktuar nga secili fakultet, sipas përbërjes që ka” thuhet në vendimin paraprak të marrë nga Senati i UT.
Nota mesatare
Pesha e mesatares së tre viteve varion nga një fakultet në tjetrin, sikurse edhe vlerësimi i lëndëve me zgjedhje. “Albania Free Press” sjell në tabelën e mëposhtme të gjitha kriteret që duhet të ndjekin maturantët për t’u regjistruar dhe kandiduar në fakultetet e UT-së. “Fakulteti i Gjuhëve të Huaja ka 100% të pikëve mesataren e 3 viteve përfshirë edhe provimet e Maturës Shtetërore. Fakulteti Histori-Filologji ka 80% mesataren e 3 viteve dhe 20% provimet e Maturës. Fakulteti i Ekonomisë, në të gjitha programet ka 50% të pikëve mesataren dhe 50% gruplëndët përkatëse.
Fakulteti i Shkencave Sociale ka 40% të pikëve mesataren e 3 viteve, 30% të provimeve të detyruara të Maturës dhe 30% janë lëndët grupformuese. Fakulteti i Shkencave të Natyrës ka vendosur kritere të ndryshme, duke ua lënë vetë programeve brenda tij të përcaktojnë se si do të bëjnë pranimin e studentëve të rinj.
Kriteret e pranimit sipas fakulteteve në UT
Fakulteti i Drejtësisë
40% e pikëve mesatarja e shkollës së mesme
20% e pikëve mesatarja e gjithë provimeve të maturës shtetërore
40% grup-lëndët me zgjedhje
Gjuhë Shqipe 10 %
Gjuhë e huaj e parë 10%
Letërsi 5%
Qytetari 5%
Histori 5%
Ekonomi 5%
Fakulteti i Shkencave Sociale
40% e pikëve mesatarja e 3 viteve
30% provimet e detyruara të Maturës
30% lëndët grupformuese
- Qytetari dhe Filozofi
- Sociologji dhe Psikologji
Shkollat e kategorive gjimnaz, gjimnaz dygjuhësh e kanë koeficientin 1.4
Shkollat e kategorive pedagogjike, gjimnaz gjuhësor, apo administrim biznes e kanë koeficientin 1.2
Shkollat e tjera të kategorive profesionale e kanë koeficientin 1
Fakulteti i Gjuhëve të Huaja
100% pikëve mesatarja e tre viteve përfshirë edhe notat e maturës shtetërore 100% për programet e studimit:
Gjuhë frënge
Gjuhë italiane
Gjuhë gjermane
Gjuhe spanjolle
Gjuhë turke
Gjuhë greke
Gjuhë ruse
Fakulteti Histori-Filologji
80% e pikëve mesatarja e 3 viteve
20% nota mesatare aritmetike e Maturës Shtetërore
Fakulteti i Ekonomisë
50% të pikëve mesatarja e 3 viteve përfshirë edhe notën mesatare të provimeve të maturës
50% grup-lëndët për provimet me zgjedhje
- Matematikë 15%
- Ekonomi 15%
- Fizikë 10%
- Gjuhë e Huaj 10%
Fakulteti i Shkencave të Natyrës
Programi Biologji
70% të pikëve nga nota mesatare e 3 viteve të shkollës si dhe provimet e maturës
20% nga nota e Biologjisë 12
10% nga nota e Kimisë 12
Programi i studimit Bio-teknologji
70% të pikëve nga nota mesatare e 3 viteve të shkollës si dhe provimet e maturës
20% nga nota e Biologjisë 12
10% nga nota e Kimisë 12
Programet e studimit Kimi; Kimi Industriale dhe Mjedisore; Kimi dhe Teknologji Ushqimore
50% të pikëve nga nota mesatare e 3 viteve të shkollës si dhe provimet e maturës
10% nga nota e Biologjisë
10% nga nota e Kimisë
10% nga nota e Fizikës
10% nga nota e Kimisë 12
10% nga nota e Fizikës 12
Programi i Matematikës
50% të pikëve nga nota mesatare e 3 viteve të shkollës si dhe provimet e maturës
30 % nga nota mesatare e matematikës
20 nga nota mesatare e matematikës 12
Programi i Fizikës
50% të pikëve nga nota mesatare e 3 viteve të shkollës si dhe provimet e maturës
10% nga nota e Fizikës
10% nga nota e Kimisë
10 % nga nota e Matematikës
10% nga nota e Fizikës 12
10% nga nota e Matematikës 12
Programi i informatikës
50% të pikëve nga nota mesatare e 3 viteve të shkollës si dhe provimet e maturës
15 % nota mesatare e matematikës
5% nota mesatare e fizikës
10% nota mesatare e TIK
20% nota mesatare e matematikës 12
Programi i Inxhinieri Matematikë dhe Informatikë
50% të pikëve nga nota mesatare e 3 viteve të shkollës si dhe provimet e maturës
30 % nota mesatare e matematikës
10 % nota e provimt të matematikës MSH
10% nota e matematikës 12
Programi teknologji Informacioni dhe Komunikimi
50% të pikëve nga nota mesatare e 3 viteve të shkollës si dhe provimet e maturës
15% nota mesatare e matematikës
5% nota mesatare e Fizikës
10% nota mesatare e TIK
20% nota e matematikës 12