Ambasada e SHBA: Dënojmë dhunën, mbështesim të drejtën e qytetarëve për të protestuar paqësisht

Ambasada e SHBA-së në Tiranë është shprehur lidhur me protestën e opozitë në Tiranë.

Në një mesazh në faqen e saj zyrtare në rrjetin social shkruhet: “Ambasada e Shteteve të Bashkuara dënon me forcë dhunën dhe shkatërrimin që ndodhën gjatë protestave të sotme në Tiranë.

Mbështesim të drejtën e qytetarëve për të protestuar paqësisht, por dëmtimi i pronës publike dhe dhuna nuk janë të pranueshme.

Nxisim të gjitha palët që të tregojnë vetëpërmbajtje më të mirë dhe të rivendosin qetësinë.

Iu bëjmë thirrje të gjitha partive politike që t’i denoncojnë këto akte dhe të ndërmarrin të gjitha hapat e nevojshme për t’u siguruar që situata të shndërrohet në paqësore dhe konstruktive”. /l.k./