Mijëra njerëz në shesh për gazetaren e vrarë, politikanët nuk afrohen

Mijëra njerëz janë mbledhur në Maltë për të kërkuar drejtësi pas vdekjes së gazetares investigative Daphne Caruana Galizia.

Zonja Caruana Galizia vdiq në një shpërthim autobombe të hënën e kaluar.

Ajo ishte e njohur për një blog ku akuzonte politikanët më të lartë për korrupsion.

“Politikanët qëndruan larg manifestimit, duke përfshirë edhe Kryeministrin e vendit dhe liderin e opozitës”, raporton BBC.

"Unë e di se ku duhet të jem dhe ku nuk duhet të jem," tha kryeministri Joseph Muscat një intervistuesi në radio disa orë përpara ngjarjes. "Unë nuk jam hipokrit."

Udhëheqësi i opozitës, Adrian Delia, gjithashtu qëndroi larg, duke thënë se nuk donte të "nxiste polemika".

Të dy politikanët kishin qenë objektiva të raportimit të gazetares Caruana Galizia. /a.a/

Foto: Reuters