Në prezantimin e aplikacionit “Voto 2017” Kryetari i KQZ, Klements Zguri, ka falenderuar Shefin e Zyrës së Këshillit të Evropës në Tiranë, Claus Neukirch, për mbështetjen e dhënë.
“Aplikacioni “Voto 2017” mund të instalohet në telefonat smart dhe ka dy funksione kryesore të informoi zgjedhësit për procesin zgjedhor dhe t’i jap mundësi atij të raportoj për fenomene të ndryshme gjatë procesit zgjedhor dhe veçanërisht veprimet korruptive. KQZ do të bashkëpunojë ngushtë me Prokurorin e Përgjithshëm që çdo veprim korruptiv apo fenomen negativ që cënon standardet e procesit zgjedhor të përballet me forcën e ligjit” , u shpreh Zguri.
Aplikacioni mundëson raportimin me tekst, foto dhe video sipas kategorive kryesore të shkeljeve të cilat ndiqen më tej nga stafi përkatës në KQZ.
Pas shkarkimit të aplikacionit merren informacione në kohë reale dhe lajmet e fundit nga KQZ përfshirë procesin e votimit dhe rezultatet. /e.g/