Humbja, sidomos kur ajo vjen nga ekipet rivale, nuk kapërdihet lehtë në Angli nga tifozët. Ndodh shpesh që tifozët edhe të verbohen nga humbja, madje shpërthejnë në akte dhune.
Një tifoz i Tottenham-it, Michael Völler ka mbetur me nofull të thyer, dëmtime në sy dhe kafkë pas sulmit të tifozëve të skuadrës së tij. Tifozët e Totthenham-it e kanë ngatërruar 23-vjeçarin me një tifoz të ekipit rival, Chelsea.
Voller, i cili kishte punuar më parë si mirëmbajtës në qendrën stërvitore të Spurs-ave, është sulmuar ndërsa ka qenë duke u larguar nga “Ëembley” pasi ndoqi ndeshjen e gjysmëfinales së FA Cup, Chelsea-Tottenham 4-2, këtë të shtunë. Völler la spitalin, por ende ka nevojë për kujdesin e mjekëve të cilët druhen se ka pësuar një dëmtim të përhershëm të shikimit.
/a.m/
