Reagimi i Vllaznisë: UEFA? Nuk na penalizon asgjë, për Europën

Reagimi i Vllaznisë: UEFA? Nuk na penalizon asgjë, për Europën
Vllaznia është i detyruar të reagojë sërish në lidhje me mashtrimin e radhës, siç pretendoi klubi shkodran, që publikohet në media. Sipas asaj që është shkruar së fundi, se UEFA gjoja ka kthyer përgjigje negative për dy prej klubeve shqiptare që kanë aplikuar për pjesëmarrje në Kupat e Europës në sezonin e ri, për Vllazninë dhe Tiranën, për arsye të borxheve që ato kanë, ka reaguar klubi shkodran.

“Në fakt asgjë nuk është e vërtetë në këtë mes. Në Federatën Shqiptare të Futbollit nuk ka ardhur asnjë vendim i tillë dhe për më tepër, KF Vllaznia nuk ka pse të penalizohet nga një pjesëmarrje e tillë. Klubi jonë nuk ka asnjë detyrim financiar ndaj asnjë futbollisti dhe nëse janë disa detyrime të papaguara në organet tatimore, ky nuk përbën asnjë problem sepse siç e kemi bërë të ditur, ne kemi firmosur një marrëveshje me Drejtorinë e Tatimeve Shkodër për likujdimin e tyre dhe kemi filluar ta bëjmë një gjë të tillë me shumë korrektesë.”

“E gjithë kjo zhurmë është vazhdë e shumë të pavërtetave që shkruhen e thuhen kohët e fundit nga njëra që ndoshta kanë dëshirën dhe objektivin për ta parë këtë skuadër në gjendje jo të mirë megjithatë, këto sulme nuk do na ndalin në pretendimet tona për zënien e vendit të katërt në renditje dhe qëndrimit me shpresa se do të sigurojmë një vend për në Kupat e Europës sepse asgjë nuk na penalizon në këtë drejtim.”

/a.m/

Shpërndajeni me miqtë tuaj: