Britaniku 28-vjeçar, Anthony Joshua, hodhi në tapet ukrainasin legjendar, Wladimir Klitschko, në një duel të jashtëzakonshëm. Klitschko përfundoi në tokë që në raundin e tretë, por kurrsesi ai nuk mund ta pranonte kaq lehtë gjunjëzimin, duke u ngritur e për t’u rikthyer fuqishëm.
Më pas, ishte radha e Anthony Joshua të provonte për herë të parë rënien në tapet, por edhe ai tregoi se është një boksier me një ta ardhme të madhe dhe gjeti forca dhe u rikthye.
Wladimir Klitschko dominoi deri në raundin e 11-të, por Joshua rikuperoi energjitë dhe u rikthye fuqishëm në raundin e parafundit. Kur ndeshjes po i vinte fundit, 28-vjeçari arriti ta hidhte dy herë në tapet ukrainasin. Gjyqtari ndali furinë e grushteve të pambarimta drejt fytyrës së Klitschkos, duke e mbyllur ndeshjen me nokaut.
Anthony Joshua mori 3 gjerdanë nga kjo fitore, duke mbajtur një vazhdimësi të jashtëzakonshme në karrierë, me 19 fitore, të tëra me nokaut, në po kaq ndeshje të zhvilluara.
/a.m/
