Angli, N’golo Kante lojtari më i mirë i vitit

Angli, N’golo Kante lojtari më i mirë i vitit
I kudogjendur në fushë dhe tani shfaqet në skenë duke marrë një cmim shumë të rëndësishëm individual. N’golo Kante, u shpall lojtari më i mirë i vitit në Premier League, trofe që jepet nga Shoqata e Futbollistëve Profesionitë në Angli.

Një trofe i merituar plotësisht për atë që po shfaq këtë sezon në radhët e Chelseat, megjithatë 26-vjecari e ndan këtë sukses me futbollistët e tjerë të skuadrës.

“Është një nder i madh, por gjithmonë e them se është meritë e një pune në skuadër. Duhet të falenderoj shokët e mi te Chelsea".

Vitin e kaluar mesfushori francez u shpall kampion i Anglisë me Leicester Cityn dhe nëse triumfon edhe me Chelsean do të jetë lojtari i parë që e fiton titullin dy herë radhazi me dy skuadra të ndryshme.

Çmimi i lojtarit më të mirë të vitit, për të dytin vit radhazi i shkoi mesfushorit të Tottenhamit Dele Alli duke barazuar me këtë arritje Ryan Giggs, Robbie Fowler e Wayne Roonney, të vetmit që e kanë fituar në dy vite të njëpasnjëshme këtë cmim individual.

Në këtë ceremoni David Beckham mori çmimin e karrierës.

Si Kante ashtu edhe Dele Alli, janë përfshirë në formacionin më të mirë të Premier Leagues, ku bëjnë pjesë gjithashtu De Gea, Walker, Luiz, Cahill, Rose; Hazard, Mane; Kane dhe Lukaku.

Shpërndajeni me miqtë tuaj: