Bregu-Abazaj, dueti i vërtetë i sulmit i përket Luftëtarit

Bregu-Abazaj, dueti i vërtetë i sulmit i përket Luftëtarit
Kategoria Superiore mbyllet këtë fundjavë me dominimin e Skënderbeut, që pret Teutën me kurorën e dimrit gati

Ndryshe nga ligat kryesore të Europës, krye-golashënuesi më i mirë në Shqipëri jo vetëm nuk është në simfoni me kryesuesit e kampionatit, por ai nuk është as sulmues. Madje sulmi i dytë më i mirë në kampionatin tonë i përket një skuadre që lufton për mbijetesë.

Golashënuesit më të mirë                

Elis Bakaj              Kukësi                 9

Bushiç                   Flamurtari          6

Reginaldo            Laçi                       6

Plaku                     Kamza                 6

Bregu                    Luftëtari              5

Lilaj                        Skënderbeu       5

Kampionati i Superligës shqiptare udhëhiqet pas 15 javëve të para nga Skënderbeu me 34 pikë, ose 9 më tepër se kampionët në fuqi të Kukësit. Këtë fundjavë luhen ndeshjet e fundit të pjesës së parë të këtij sezoni, ashtu si në ligat kryesore të Europës, ku përjashtim bën Anglia që nuk njeh as festa dhe as pauzë dimërore. Edhe lista e kryegolashënuesve në Shqipëri ngjan me atë të Anglisë ku në krye është Elis Bakaj i Kukësit, por në ndryshim nga Salah i Liverpool ai nuk është sulmues i mirëfilltë. Skënderbeu figuron në listë me një mesfushor, ose lojtarin që vlerësohet aktualisht si më cilësori i kampionatit ndonëse nuk është sulmues, Sabien Lilaj.

Për të shpjeguar ecurinë pozitive të ekipeve si Laçi dhe Kamza që ndjekin Kukësin, për vendin e tretë, kanë menduar sulmuesit e tyre, Reginaldo e Plaku, që ndjekin Bakajn në krye të golashënuesve më të mirë. Talentët e Luftëtarit Dejvi Bregu e Kristal Abazaj, skuadra e të cilëve lufton për mbijetesë, së bashku kanë realizuar deri tani 9 gola, një më pak se dyshja më e mirë që i përket Skënderbeut, Lilaj-Taku. Por asnjëri prej këtyre të fundit nuk është sulmues i mirëfilltë.

/a.muraçi/

                  Kategoria Superiore

Java e 16-të/ 22 dhjetor (13:00)

Skënderbeu-Teuta

Laçi-Lushnja

Kamza-Flamurtari

Partizani-Vllaznia

Kukësi-Luftëtari

Shpërndajeni me miqtë tuaj: