Shkodra gati/Shqipëri-Itali, pragndeshje paqësore

Shqipëri-Itali, gjithçka gati. Në një atmosferë festive dhe pa asnjë presion në radhët e dy ekipeve. Skuadra e Gian Piero Ventura përballet ora 20:45 me kuqezinjtë e Christian Panucci në “Loro Boriçi” të Shkodrës, ku edhe do të mbyllet fushata kualifikuese e botërorit Rusi 2018.

Italia e ka thuajse të sigurt zonën play-off, falë fitores së Belgjikës ndaj Bosnies.

Shqipëria shpreson fitoren për të mbajtur vendin e tretë, ose Izraeli të mos fitojë me Spanjën, teksa kjo e fundit e ka siguruar kualifikimin direkt. Një ndeshje e veçantë për trajnerin Panucci, i cili përballet si trajner për herë të parë kundër ish-ekipit të tij.

Dy trajnerët kanë gati formacionet, që pritet të zyrtarizohen ndërsa tifozët shqiptarë kanë nisur të mbushin shkallët e stadiumit për të përjetuar nga afër një ndeshje historike.

Formacionet e mundshme:

Shqipëria: (4-5-1): Berisha; Hysaj, Mavraj, Ajeti, Agolli; Roshi, Lila, Basha, Memushaj, Grezda; Sadiku.

Trajner: C. Panucci

Italia (4-2-4): Buffon; Darmian, Bonucci, Chiellini, Spinazzola; Parolo, Gagliardini; Candreva, Immobile, Eder, Insigne.

Trajner: G. Ventura

Gjyqtar: Svein Oddvar Moen (Norvegji)

/a.m/